Сыбайлас жемқорлыққа қарсы күрестің жаңа тетіктері

Жоба тобы келесі жұмыстарды атқарды:

• Қазақстандағы сыбайлас жемқорлыққа қарсы тетіктерді зерттеу нәтижесінде сыбайлас жемқорлықтың ең көп тараған салалары білім беру, денсаулық сақтау, жол құрылысы және жер қойнауын пайдалану екені анықталды. Мұның негізгі себептері – жүйелік әлсіздіктер, ашықтықтың жеткіліксіздігі және процестердің цифрландыру деңгейінің төмендігі. Команда тиімді күрес үшін кешенді цифрлық шешімдерді енгізу, қоғамдық бақылауды күшейту және ашықтықты арттыру қажет деген қорытындыға келді;
• Көкшетау қаласындағы бір мектеп базасында мұғалімдердің табысын Face ID көмегімен бақылауға мүмкіндік беретін пилоттық жоба жаңа оқу жылының басынан іске қосылды. Осындай пилоттық жоба жаңа оқу жылының басында Щучинск қаласындағы Жоғары педагогикалық колледжде де іске қосылмақ;
• Пилоттық жоба аясында Ақмола облысы Ақкөл қаласындағы емханада алақан немесе жеке бейне арқылы биометриялық пациентті сәйкестендіру жүйесін орнату жүзеге асырылды;
• Ақмола облысы әкімдігінің сайты базасында жол құрылысы мен жөндеу туралы, соның ішінде кепілдік қызмет көрсету кезеңіндегі нысандар жөнінде егжей-тегжейлі ақпаратты қамтитын геоақпараттық портал әзірленді. Сайтта тұрғындарға жолдардың жағдайын растайтын медиафайлдарды қоса отырып, кері байланыс беру мүмкіндігі қарастырылған;
• Мемлекеттік органдар арасындағы өзара іс-қимылдың оңтайлы алгоритмін анықтау және заңсыз жер қойнауын пайдаланушыларды тұрақты түрде анықтау үшін ғарыштық мониторингті міндетті ету мәселесі бойынша жұмыс жүргізілді.

Жоба тобы келесіні ұсынады:

• Сыбайлас жемқорлық тәуекелдерін азайту мақсатында мектепке дейінгі білім беру жүйесіне ваучерлік қаржыландыруды енгізу;
• Мұғалімдерге Face ID және студенттердің қатысуын тіркеу үшін QR-кодтарды пайдалану арқылы еңбекақы төлеуді бақылау үшін ақпараттық жүйелерді біріктіру;
• Студенттік жатақханаларды бөлу кезіндегі сыбайлас жемқорлықты болдырмау үшін орталықтандырылған цифрлық басқару платформасын құру;
• Денсаулық сақтау қызметтерін заңсыз пайдаланудың және жалған төлемдердің алдын алу үшін пациенттерге міндетті биометриялық сәйкестендіруді енгізу;
• Жол жобаларының ашықтығын қамтамасыз ету және сыбайлас жемқорлықты азайту мақсатында автоматтандырылған деректер базасы мен жол жобаларын басқару жүйесін құру;
• Әсіресе кепілдік кезеңінде жол жобалары бойынша қоғамдық бақылау тетіктерін енгізу;
• Жобалық құжаттама мен шығындарды аудиттеудің талаптарын күшейту;
• Заңсыз жер қойнауын пайдалануды анықтау және мемлекеттік органдар арасындағы өзара іс-қимылды жақсарту үшін спутниктік мониторингті пайдалану;
• Сыбайлас жемқорлыққа итермелейтін факторларды азайту үшін мемлекеттік қызметшілердің жалақысын арттыру;
• Персоналды оңтайландыру және әкімшілік процестерді цифрландыру;
• Сыбайлас жемқорлыққа қарсы бағыттан бөлек, комплаенс функцияларын тәуекелдерді басқарудың кеңейтілген саласына тарату;
• Бірнеше квазимемлекеттік сектор субъектілеріне комплаенс функцияларын орталықтандырылған аутсорсингке беру;
• Комплаенс мамандарының біліктілігін арттыру және корпоративтік мәдениетті дамыту;
• Директорлар кеңесінің мүшелерін ашық және болжамды тағайындау жүйесін енгізу және бұрын қызметін бақылаған коммерциялық ұйымдарға экс-шенеуніктерді жұмысқа қабылдауға тыйым салу;
• Сыбайлас жемқорлыққа қарсы іс-қимылға үкіметтік емес ұйымдарды тарту;
• Мемлекеттік қызметшілердің кірістері мен мүлкі туралы декларацияларының ашықтығын қамтамасыз ету;
• Жеке секторды қоса алғанда, заңнамадағы сыбайлас жемқорлық белгілерін кеңейту;
• Қоғамдық бақылауды және сыбайлас жемқорлық туралы хабарлаған тұлғаларды қорғау шараларын күшейту;
• Мүдделер қақтығысының алдын алу тетіктерін әзірлеу және декларацияларды талдау нәтижелерін сыбайлас жемқорлыққа қарсы мониторингке енгізу;
• Сыбайлас жемқорлыққа қарсы іс-қимыл туралы қолданыстағы заңға, сондай-ақ сыбайлас жемқорлықты анықтау, хабарлаушыны қорғау және сыбайлас жемқорлық пен ұрлық туралы хабарлаған тұлғаларды ынталандыру мәселелерін реттейтін нормативтік актілерге өзгерістер енгізу.