Нашар көретіндерге арналған нұсқа 
2023 жылғы 12 қазанда Жоғары құқық мектебінде компания капиталының қалыптасуы мен пайданы репатриациялаудың құқықтық, қаржылық және салықтық аспектілеріне арналған Business Law ғылыми клубының ашылуы өтті. Кездесу 302 аудиторияда өтіп, азаматтық-құқық мамандықтарының студенттерімен қатар, Халықаралық экономика мектебінің бизнес және бухгалтерлік есеп бағытында оқитын студенттерді жинады.
Отырыста қатысушылар жарғылық капитал мен ішкі қарыздар есебінен жауапкершілігі шектеулі серіктестіктердің капиталын қалыптастыруға байланысты практикалық мәселелерді талқылады, сондай-ақ мұндай операциялардың инвесторлар мен компаниялар үшін қаржылық, салықтық және құқықтық салдарын қарастырды.
Ерекше назар инвестициялық жобалардан түскен пайда мен ақша ағымдарын репатриациялау кезінде қаржылық көрсеткіштердің, салық салудың және құқықтық аспектілердің өзара байланысына аударылды.
Сонымен қатар қатысушылар ірі қазақстандық және халықаралық компаниялардың инвестициялық қызметті жоспарлау және жүзеге асыру тәжірибесімен танысты.
Дәрісті Жоғары құқық мектебінің оқытушылары — Big4 және халықаралық корпорацияларда 15 жылдан астам тәжірибесі бар Teaching Professor Андрей Кудьяров және Teaching Professor Эстер Бабаджанян өткізді.
Business Law клубының ашылуы заң білімінде тәжірибеге бағытталған тәсілді дамыту мен студенттер, оқытушылар және практик-мамандар арасында тәжірибе алмасу алаңын құру жолындағы маңызды қадам болды.
