Конституция күні құтты болсын!

Тура 30 жыл бұрын қазақстандықтар бүкілхалықтық референдумда өз Конституциясын қабылдады. Ата заң әрбір азаматтың құқықтары мен бостандықтарының кепілі мен біздің мемлекеттілігіміздің берік тірегі болып, республиканың тұрақты дамуын қамтамасыз етеді. Конституция халық бірлігі мен ел тәуелсіздігінің іргетасы болып табылады және азаматтардың әл-ауқатын нығайтуға ықпал етеді.

Maqsut Narikbayev University-нің ғалымдары Ата заңның ережелерін жазуға елеулі үлес қосты. Мереке қарсаңында бірқатар профессорлар мемлекеттік наградаларға ие болды. Айта кетейік, университет жанында конституциялық реформаны іске асыру және дамыту мақсатында іргелі және қолданбалы зерттеулерді жүзеге асыратын Конституциялық және саяси зерттеулер институты белсенді қызмет атқарады.

MNU қазақстандықтарды Конституцияның 30 жылдығымен құттықтап, бақ-береке және табыс тілейді!