Нашар көретіндерге арналған нұсқа 
2024 жылғы 29 мамырда Maqsut Narikbayev University Еңбек құқығы ғылыми мектебі «Қазақстандағы және АХҚО-дағы еңбек құқықтық реттеу» тақырыбында ғылыми семинар (Research Workshop) өткізді.
Іс-шара 401-аудиторияда өтті және еңбек пен халықаралық құқық саласындағы оқытушыларды, студенттерді және сарапшыларды жинады.
Семинар барысында PhD, MNU қауымдастырылған профессоры Мұслім Ханатович Хасенов «Қазақстанның еңбек құқығы мен АХҚО: арақатынасы мен қолдану мәселелері» тақырыбында баяндама жасады, сондай-ақ з.ғ.д., MNU Associate Professor Никита Леонидович Лютов «Қазақстанның ұлттық құқықтық жүйесі мен АХҚО нормалары: олар үйлесімді ме? Еңбек құқығы мысалында» тақырыбында сөз сөйледі.
Талқылау барысында қатысушылар ұлттық заңнама мен «Астана» халықаралық қаржы орталығының құқықтық жүйесінің өзара іс-қимылының негізгі мәселелерін талқылады, құқықтық реттеуді үйлестіру мүмкіндіктері мен АХҚО нормаларын еңбек қатынастары саласында қолданудың практикалық аспектілеріне ерекше назар аударылды.
