Табыс сыры: Айдарбек Қожаназаров MNU студенттерімен кездесті

Maqsut Narikbayev University-де «Табыс сыры» жобасы аясында ҚР Мәжіліс депутаты Айдарбек Қожаназаров қонақ дәріс өткізді.

Дәріс барысында спикер өзінің өмір жолы, бизнестегі алғашқы қадамдары, сонымен қатар саясатқа қалай келгені жайлы сөз қозғады. Еркін форматтағы кездесуде студенттер көкейтесті сауалдарын қойып, өз салалары бойынша сұрақтарына жауап алды.

«Ең мықты кампус, кітапханадан бастап дәрісханаларға дейін жабдықталу деңгейінің өзі жоғары. Ал екінші жағынан, студенттерге деген талап жоғары болғандықтан, студенттердің деңгейі шынымен де мен сияқты профессормен сұхбаттасуға, дауласуға жетеді, ал кейбір кездерде аргументтерін келістіріп, контраргумент айтқан кезде өзім де таңғалам», — деді Айдарбек Қожаназаров.

Айта кетейік, «Табыс сыры» жобасы Халықаралық экономика мектебінің ұйымдастыруымен қазақ тілін дамыту мақсатында мемлекеттік тілде өтеді.