Нашар көретіндерге арналған нұсқа 
Maqsut Narikbayev University-де Эстония Республикасының Қазақстан, Қырғызстан, Тәжікстан, Түрікменстан және Өзбекстан елдеріндегі Төтенше және Өкілетті Елшісі Яап Ора дәріс оқыды. Ол «Мәдениетаралық коммуникация» курсы аясында сөз сөйледі.
Дипломат Эстония Республикасының тарихы мен мәдениеті туралы, сондай-ақ елдің цифрландыру саласындағы жетістіктері жайлы айтты. Ол мемлекеттің үйлесімділігін көрсететін ерекше дәстүрлерге тоқталды. Сондай-ақ Елші студенттердің сұрақтарына жауап берді.
«Біз студенттермен түрлі мәдениеттерді түсінудің маңызын және оның жұмыс барысындағы табысқа әсерін талқыладық. Жалпы, курс аясында Елшілерді спикер ретінде шақыру жақсы тәжірибе. Мен MNU-да бірнеше рет болдым және әрдайым университетке қуана келемін, өйткені біз жастармен қарым-қатынас жасау мүмкіндігін жоғары бағалаймыз», – деді Яап Ора.
Айта кетейік, Қазақстан мен Эстония экономикалық ынтымақтастықты табысты дамытып келеді. Сонымен қатар Балтық елі электронды үкімет пен цифрлық қызметтер саласындағы көшбасшы ретінде танымал.
