Нашар көретіндерге арналған нұсқа 
Maqsut Narikbayev University-де Өзбекстанның Қазақстандағы Төтенше және Өкілетті Елшісі Бахтиёр Ибрагимов сөз сөйледі. Ол болашақ дипломаттарға дәріс оқыды.
Бахтиёр Ибрагимов бауырлас мемлекеттер арасындағы жемісті екіжақты қарым-қатынастар мен Өзбекстанның даму векторы туралы айтты. Оның айтуынша, екі ел Орталық Азияда алдыңғы қатарда және олардың мойнында бүкіл өңірдің экономикалық дамуы үшін жауапкершілік тұр. Сонымен қатар Елші студенттердің сұрақтарына жауап берді.
«Студенттермен осындай кездесулер өткізу өте маңызды және пайдалы, өйткені олар таяу болашақта өз елі үшін үлкен және маңызды шешімдер қабылдайды. Сондықтан тәжірибемен бөлісіп, шешім қабылдайтын тұлғалармен талдау және өзара іс-қимыл жасауға мүмкіндік беру қажет. Бұл оларға өзара қарым-қатынас саласында жақсы түсіністік пен білім береді», – деді Бахтиёр Ибрагимов.
Айта кетейік, сондай-ақ MNU Ташкент мемлекеттік заң университетімен бірлесіп қос дипломдық бағдарламаны жүзеге асыруда.
