“ҚАЗАҚСТАН ТАРИХЫ” ПӘНІНІҢ АЯСЫНДА СЕМЕСТР САЙЫН ҰЙЫМДАСТЫРЫЛАТЫН КЕЗЕКТІ ҚОЙЫЛЫМ ӨТТІ

2024 жылдың 6 желтоқсанында MAQSUT NARIKBAYEV UNIVERISTY-де«Қазақстан тарихы» пәнінің аясында семестр сайын ұйымдастырылатын кезекті қойылым өтті. 

Осы жолғы қойылым Алты Алаш билігін қолында ұстаған, ел бірлігі үшін Жеті Жарғының негізін қалаған Тәуекел-Мұхаммед Баһадүр Қазы ханның, яғни ел аузындағы Әз Тәуке ханның тұлғалық қасиетін танытуға арналды. 

Қойылымды тамашалуға «Музыкалық жас көрермен театрының» директоры, режиссер Асхат Маемиров, «OzgeEpic» креатив хабының негізін қалаушы Мақпал Жұмабай келіп, студенттердің өнеріне тәнті болып, ризашылықтарын білдірді. 

Әртүрлі мамандықта оқитын 1-курс студенттері қойған бұл қойылымның кәсіби мамандар ойнайтын қойылымдардан кем түспегенін әрбір қонақ атап өтті.

Осындай жаңашыл форматта оқытылатын «Қазақстан тарихы» пәнінің студенттерімізге берері мол екеніне сенімдіміз.