MNU оқытушылары төте жазудың ерекшеліктерін меңгерді

Maqsut Narikbayev University-де «Төте жазуға төте жол» атты үш күндік семинар өтті. Университет оқытушылары мен қызметкерлері Алаш қайраткері Ахмет Байтұрсынұлының әліпбиін меңгерді.

Семинарды MNU Assistant Professor-ы, заң ғылымдарының кандидаты Алмас Жұмағали өткізді. Бастаманың іске асуына оның төте жазуымен жазылған құқық саласының ерте кезеңдегі еңбектерің зерттеуі себеп болған. Іс-шараның негізгі мақсаты – төте жазудың тарихи, тілдік және ғылыми маңызын талдау.

Семинар барысында қатысушылар төте жазудың графикалық ерекшеліктері және орфографиялық нормаларымен танысып, ғылыми мәтіндерді оқудағы практикалық тәсілдерді үйренді. Айта кетейік, жаңа семестрде MNU-да студенттерге арналған қосымша араб тілі курсы қолжетімді болады.