Дәстүрге айналған бастама: MNU командасына қош келдіңіз!

Жыл сайын Maqsut Narikbayev University жаңа оқу жылын зор мақтанышпен қарсы алып, профессорлық-оқытушылық құрамды біртұтас, ынтымақты командаға біріктіреді. Бұл көпжылдық дәстүр – командалық рух пен MNU құндылықтарына адалдықтың айқын көрінісі.

Осы маңызды кездесуде жаңа қызметкерлер Университеттің миссиясымен және негізгі құндылықтарымен алғаш рет танысады. Командаға қосылу құрметіне әр жаңа ПОҚ мүшесіне MNU-дің брендтік сыйлықтары табысталады. Бұл олардың үлесін жоғары бағалаудың және университеттің үлкен отбасына жылы қабылдаудың белгісі болып табылады.