Ислам және Қазақ Құқығы Орталығы

Ғылыми мектеп туралы Ағымдағы жобалар Аяқталған жобалар Ғылыми мектептің ынтымақтастығы Ғылыми семинарлар Студенттік клубтар

Ғылыми мектеп

2022 жылдың 1 қыркүйегінде Ислам және Қазақ Құқығы Орталығы ашылды.

Орталықтың мақсаты- Ислам құқығы мен Қазақ хандығы заңдарының сабақтастығының табиғатын зерттеу және ғылыми тұрғыдан түсіну.

Орталықтың міндеттеріне революцияға дейінгі кезеңдегі қазақ құқығының негізінен Шағатай, араб және Парсы тілдерінде жазылған қолжазбалары мен жазбаша дереккөздерін зерттеу кіреді.

Мектеп ұжымы:

Сабдин А. К., Орталық Директоры;
Сандыбаев Ж. С., Директордың орынбасары, ф.ғ.к., доцент;
Нысанбаев С.Ж., маман;
Алшымбаев К. М., маман.

Ағымдағы жобалар

Ислам құқығының теориясы мен әдістемесі (усул әл-фиқһ);
Ислам құқығының қағидалары (кауаид фикхия);
Исламдық отбасы құқығы (мунакахат);
Исламдық қаржы құқығы (Хукук Малия);
Қазақ құқығының қолжазбалары;
Құқықтық / нормативтік плюрализм және т.б.

Іске асырылған жобалар

Тізімі

Орталық Магистратура бағдарламалары бойынша 3 стипендия бөлді.
Ислам құқығындағы «Мажалла» (Ислам Кодексі) деп аталатын белгілі кітаптың негізінде «Ислам Құқығы және Оның Жалпы Ережелері» атты еңбек дайындалып, әрі қарай баспаға ұсынылды. Бұл жұмыс заңгерлерге де, Ислам және дінтану мамандықтарының студенттеріне де, Исламтану және дінтану (имамдар) докторанттарына да арналған.
«Канз әл-Дакаик» Ислам құқығының іргелі кітабының таңдалған тарауларын аудару және өңдеу жұмыстары жүргізілуде.
«Ислам Құқығындағы Сыбайлас Жемқорлық Ұғымы» атты кітап дайындалуда.
Құранның орыс тіліне семантикалық аудармасы жарық көрді. (А. Сабдин, Б.Әлиұлы, Е. Самиев. – Астана: Ислам құқығы Орталығы және МНУ, 2-ші басылым, 2023-616 бет. ISBN 978-601-7980-40-5)
Білім министрлігінің ғылыми басылымдарының тізбесіне кіретін «Адам әлемі», «КазҰУ хабаршысы» сияқты журналдарда «әл-Фараби философиясындағы азаматтық мемлекеттің мәселелері» және «құқық философиясы ретіндегі Құран» ғылыми мақалаларын жариялау.
Кітап қоры Ислам құқығы бойынша 200 кітапты (қазақ, орыс, өзбек, араб, ағылшын және түрік тілдерінде) сатып алу арқылы байытылды.
Қазақстанның мемлекеттілігі және Оның Қараханидтер, Алтын Орда және қазақ Хандығы дәуіріндегі тарихы туралы баяндайтын қолжазбаларды «Сүлеймание», «Миллет қолжазбалары» және «Осман қолжазбалар мұрағаты» кітапханаларында зерттеу жұмыстары жүргізілді. Түркия Республикасы, Стамбул қаласы.

Студенттік ұйымдар

«Қазақ халқының дәстүрі мен әдет-ғұрпы» ғылыми клубы
Діни Қауіпсіздікті Талқылау Клубы (орыс тілінде)