Қаржы

Қаржы саласындағы магистратура

Оқу ұзақтығы: 2 жыл

Оқыту тілі:  ағылшын тілінде

Артықшылықтары: Магистрлік бағдарлама CFA (CBOK) бойынша білім беру бағдарламасының кем дегенде 70 пайызын қамтиды және CFA институтының Этика кодексі мен тәжірибе стандарттарына ерекше назар аударатын бағдарлама ретінде танылады. Бұл студенттерге Chartered Financial analyst® (CFA) атағын алуға мүмкіндік беретін әлемдегі ең құрметті және танымал инвестициялық сертификат. Сонымен қатар, бағдарлама GARP Financial Risk Manager (FRM®) сертификатталған бағдарламасының мазмұнын қамтиды. Тәуекелдерді басқару менеджерлері үшін жетекші сертификат болып табылатын FRM сертификаты барлық негізгі нарықтарда танылған әрі әлемдегі ең ірі банктер мен фирмалар арасында үлкен сұранысқа ие. Ол тәуекелдерді басқару саласындағы қиындықтарды болжау және бейімделу қабілетін көрсететін мамандарға беріледі. Осы сертификаттарды алуға қолдау көрсету үшін жоғары академиялық нәтижелері бар студенттерге CFA I деңгей және GARP FRM I емтихандарын тапсыру үшін стипендиялар ұсынылады. Оқу бағдарламасы түлектерді өз саласының сұранысқа ие мамандары болуға дайындай отырып, нақты академиялық мазмұн мен заманауи салалық тәжірибелерді біріктіреді.

Оқыту нәтижелері:

• көшбасшылық қасиеттерді, кәсіби этиканы және ұжымда тиімді жұмыс істеуді көрсету;
• ағылшын тілін жазбаша да, ауызша да сенімді меңгергендігін, сондай-ақ презентация дағдыларын көрсету;
• зерттеу этикасы мен академиялық адалдықтың жоғары стандарттарын ұстану;
• саладағы жаңа әрі сапалы ақпарат бойынша қолданбалы зерттеулерді өз бетінше жүргізу;
• тиісті мүдделі тараптарға зерттеу нәтижелеріне негізделген идеяларды табу және жеткізу;
• қолда бар және түпнұсқа ақпарат негізінде кәсіби пайымдауларды тұжырымдау;
• ұсыныстар әзірлеу мақсатында қаржы саласындағы мәселелерге диагностика, бағалау жүргізу және сәйкесінше шешу үшін аналитикалық дағдыларды қолдану;
• тәуекелдерді басқару саласындағы құзыреттерді дамыту және жетілдіру;
• тәуекелдерді басқару үрдісін сыни тұрғыдан бағалау және тәуекелдерді басқару барысында туындауы мүмкін мәселелер мен қиындықтарды анықтау;
• тәуекелдерді өлшеу және басқару үшін қолданылатын құралдар мен үрдістерін, соның ішінде сандық көрсеткіштерді, сапалық бағалауды және кәсіпорынның тәуекелдерін басқаруды ажырату және қолдану;
• инвестициялық индустрияда жоғары этикалық стандарттарды сақтау қажеттілігін және тәуекелдерді басқару практикасына қатысты CFA және GARP институтының Этика кодексінде және кәсіби тәртіп стандарттарында көзделген этикалық міндеттерді түсіндіре білу;
• өз ұйымдарында тәуекелдерді басқару жайында хабардарлық мәдениетін құру және дамыту;
• қаржы үшін эконометрикалық модельдерді бағалау мен түсіндірудің нақты білімі мен практикалық дағдыларын көрсету;
• деректерді өңдеу және эконометрикалық зерттеулер жүргізу үшін модельдеу мен кодтаудың теориялық білімімен және практикалық дағдыларымен жұмыс істеу;
• жалпы құқықтық базаны, сондай-ақ бизнес әлеміне қатысты нақты құқықтық салаларды және кәсіпкерлік қызметтің құқықтық салдарын түсінуде білім мен дағдыларды қалыптастыру;
• қаржылық өнімдердің кең спектрінің негізгі сипаттамаларын және оларды бағалау мен инвестицияларды басқару стратегияларын бағалау.