Нашар көретіндерге арналған нұсқа 
2023 жылғы 28 қарашада MNU университеті Эстония Республикасының Сыртқы істер министрлігінің Бас хатшысы мырза Йонатан Всевиовты ресми сапармен қабылдады. Кездесу барысында мырза Всевиов «Халықаралық құқық» мамандығы бойынша білім алып жатқан студенттермен халықаралық құқық жүйесіне арналған сұхбат өткізді. Ол нормалар мен қағидаттарға негізделген халықаралық құқықтың болашағы мен қазіргі заманғы сын-қатерлері туралы сөз қозғады. Сонымен қатар, ол Эстонияның сыртқы саясат бағыты мен әлемдік тәртіптің болашағын қалыптастыру жөніндегі көзқарасын бөлісті. Дәріс барысында мырза Всевиов бейбітшілік пен қауіпсіздікті аймақтық және жаһандық деңгейде сақтау үшін шешуші маңызға ие алты негізгі қағидатты атап өтті.
Кездесу студенттер мен оқытушылар тарапынан үлкен қызығушылық тудырып, халықаралық қатынастар мен дипломатия мәселелерін талқылауға арналған маңызды алаңға айналды. Университет бұл іс-шараны ұйымдастыруға бастамашы болып, қолдау көрсеткені үшін Эстония Республикасының Қазақстан Республикасындағы Елшілігіне шын жүректен алғыс білдірді.
