“Қызметкерлердің өмірі мен денсаулығын қорғаудағы еңбек құқығы мен әлеуметтік диалогтың рөлі” тақырыбындағы ғылыми пікірталас

2023 жылдың 7 қазанында Maqsut Narikbayev University-де «Жұмысшылардың өмірі мен денсаулығын қорғауда еңбек құқығы мен әлеуметтік диалогтың рөлі» тақырыбында ғылыми пікірталас өтті. Іс-шара еңбек және әлеуметтік құқық саласындағы жетекші мамандарды, кәсіподақтар мен бизнес қауымдастық өкілдерін еңбек қауіпсіздігін құқықтық реттеу және әлеуметтік әріптестікті нығайту мәселелерін талқылау үшін біріктірді. Қатысушылар арасында Хасенов Мұслім Ханатович (PhD, MNU қауымдастырылған профессоры), Лютов Никита Леонидович (з.ғ.д., MNU Associate Professor), Мұхтар Тінікеев (Қазақстан Кәсіподақтар Федерациясы төрағасының бірінші орынбасары), Ақниет Бақытжан Арыұлы (Қазақстан Еңбек Конфедерациясы Бас хатшысының орынбасары), Олег Пак («Парасат» кәсіпкерлер альянсының басқарма төрағасы), Мейрам Қажыкен (э.ғ.д., Astana International University профессоры) және Лаура Закеева («Law&Work» қоғамдық қорының жетекшісі, MNU докторанты) болды.

Пікірталас еңбек заңнамасын дамыту, жұмыс орындарындағы қауіпсіздік деңгейін арттыру және жұмысшылар, жұмыс берушілер мен мемлекет арасындағы әлеуметтік диалог тетіктерін жетілдіру бойынша пікір алмасуға арналған тиімді сараптамалық алаңға айналды. Талқылау қорытындысы бойынша азаматтардың еңбек құқықтарын қорғау жүйесін нығайтуға және Қазақстанда лайықты еңбек қағидаттарын ілгерілетуге бағытталған ұсыныстар әзірленді.