Нашар көретіндерге арналған нұсқа 
Maqsut Narikbayev University-де студенттердің мансаптық құзыреттерін дамытуға бағытталған практикаға бағдарланған іс-шараларды жүзеге асыру жалғасуда. Жоғары гуманитарлық мектептің студенттері жұмысқа орналасу және сұхбатта өзін-өзі таныстыру бойынша воркшоптарға қатысты.
Бірінші воркшопты Astana Hub сарапшысы, консультанты және TSARKA Group орталығының HR басшысы Маржан Мақсаламова жүргізді. Ол мансаптық даму мен жұмысқа орналасу перспективалары туралы айтып берді. Кездесу барысында студенттер заманауи еңбек нарығының талаптарымен танысып, түйіндемелерді дайындау, LinkedIn-де парақшаны дамыту және сұхбаттасуға дайындық бойынша практикалық ұсынымдар алды.
Екінші воркшоп аясында «Сұхбат кезінде өзін-өзі таныстыру: дауыс, ой жеткізу және сенімділік» тақырыбында дауыс қою және көпшілік алдында сөйлеу техникасы бойынша жаттықтырушы, ТМД спикерлер қауымдастығының мүшесі Зяма Қайыржан сөз сөйледі. Қатысушылар сұхбат кезінде өзін-өзі таныстыру және кәсіби әсерді қалыптастырудың негізгі қағидаттарын зерделеп, сондай-ақ дауыс, ой жеткізу, жұмыс берушімен қарым-қатынас кезінде вербалды емес коммуникация және сенімділікпен жұмыс істеуге ерекше назар аударды. Іс-шара интерактивті форматта өтті және практикалық жаттығулар мен нақты жағдайларды талдауды қамтыды.
Айта кетейік, сарапшылардың воркшоптары студенттердің табысты кәсіби даму мен еңбек нарығындағы бәсекеге қабілеттілігін арттыруға дайындауда маңызды үлес қосты.
#SDG4#SDG17#ТолықАдам
