«Таза Қазақстан»: MNU студенттері елорданы абаттандыруға қатысты

Maqsut Narikbayev University студенттері экобелсенділермен бірге Астана қаласындағы «Самал» саябағын абаттандыруға қатысты. Күні кеше «Таза Қазақстан» республикалық экологиялық акциясы аясында жаңа саябақ аумағында ағаштар отырғызылды.

Іс-шара Мемлекет басшысының қатысуымен өтті. Қасым-Жомарт Тоқаев «Таза Қазақстан» қозғалысы екі жыл бұрын басталғанын атап өтті. Ол акцияға атсалысқан отандастарымызға, әсіресе, жастарға ризашылығын білдірді. Президент сондай-ақ экологиялық мәдениетті қалыптастыру ісінде білім жүйесіне баса мән беруді маңызды мәселе ретінде атады.

Айта кетейік, өткен аптада MNU студенттері Есіл өзенінің жағалауында сенбілік өткізді. Сонымен қатар 2025 жылы «Таза Қазақстан» акциясы аясында университет аумағында Фемида саябағы бой көтерді.