Нашар көретіндерге арналған нұсқа 
MNU-да жыл сайынғы Maqsut Narikbayev Scholarship олимпиадасының қорытындысы шығарылды. Білім беру грантын 15 мемлекеттен 100 адам иеленді.
Олимпиада алты ай бойы өтті. Maqsut Narikbayev Scholarship бакалавриат және магистратура бағдарламаларында сапалы білім алғысы келетіндер арасында үлкен қызығушылық тудырды. Барлығы 2 700-ден астам өтінім келіп түсті.
Олимпиада үш кезеңде өтті және таңдаған мамандығына сәйкес ұсынылған тақырыптардың біріне аннотация жазуды, жеке онлайн әңгімелесуді және таныстырылымды қорғауды қамтыды. Іріктеу академиялық жетістіктер, ынталандыру, көшбасшылық қасиеттер және талапкердің әлеуметтік үлесі негізінде жүргізілді. MNU гранты мен шәкіртақысын Әзербайжан, Германия, Индонезия, Иран, Қазақстан, Қырғызстан, Қытай, Марокко, Моңғолия, Нигерия, Өзбекстан, Пәкістан, Ресей, Тәжікстан және Үндістаннан 100 адам жеңіп алды.
Айта кетейік, бұған дейін мемлекеттік грант иегерлері белгілі болған. MNU көптеген білім беру бағдарламалары бойынша грант иегерлері арасында көшбасшы атанды.
