MNU Кореяның ең беделді заң мектебімен келісім жасасты

Maqsut Narikbayev University (MNU) мен Сеул ұлттық университеті Құқық мектебімен (SNU) жаңа келісім жасасты. Университеттер студенттермен алмасатын болады.

Келісім Сеул қаласында MNU басшылығының SNU Құқық мектебінің басшылығымен кездесуі барысында жасалды. Тараптар екіжақты ынтымақтастықтың қазіргі жағдайын талқылап, академиялық алмасу бағдарламасы мен өзара тиімді серіктестікті одан әрі дамыту ниетін растады. Құжатқа MNU Басқарма төрағасы Талғат Нәрікбаев пен SNU Құқық мектебінің деканы Хёк Джун Ро қол қойды.

Екі жоғары оқу орнының ынтымақтастығы 2002 жылдан басталады. Сеул ұлттық университеті Құқық мектебі Корея Республикасының білім беру элитасына кіреді және заңгерлік бағдарламаларының әлемдік рейтингтерінде тұрақты түрде көшбасшы орынға ие. Мектеп 80 жыл ішінде 20 мыңнан астам маман дайындады.

Айта кетейік, бұған дейін MNU Сеул киберуниверситетімен бірлескен қос диплом бағдарламасын іске қосу туралы келісті.