Гендерлік теңдік тақырыбындағы қалалық кейс-чемпионатта 2 орын иеленген студенттерімізді құттықтаймыз!

Гендерлік теңдік тақырыбындағы қалалық кейс-чемпионатта 2 орын иеленген студенттерімізді құттықтаймыз! Іс-шара «Гендерлік зорлық-зомбылыққа қарсы 16 күндік белсенді іс-қимыл» жаһандық науқаны аясында өтті.

Maqsut Narikbayev University студенттері Лигай Алина, Амантай Арсен, Кабанкина Екатерина, Кумекбаева Анар, Мамырбекова Дана және Сагадатова Алина көшбасшылық қабілеттері мен инновациялық тәсілдерін көрсетіп, үздік командалардың қатарына енді.

MNU қауымдастырылған профессоры Муслим Хасеновтың жетекшілігімен команда БҰҰ ұсынған кейс бойынша гендерлік зорлық-зомбылық пен теңсіздік мәселелерін талдауға және оларға қарсы іс-қимыл жасауға бағытталған шешім әзірледі.

Біз олардың табандылығын, кәсібилігін және гендерлік теңдікті ілгерілетуге қосқан үлесін мақтан тұтамыз. Алда бұдан да үлкен жетістіктер күтіп тұрғанына сенімдіміз!