Нашар көретіндерге арналған нұсқа 
2024 жылдың 25 қарашасында Maqsut Narikbayev University қабырғасында жаһандық «Гендерлік зорлық-зомбылыққа қарсы 16 күндік белсенді әрекет» науқаны аясында Астана университеттері арасында қалалық кейс-чемпионат өтті. Чемпионат гендерлік теңдік мәселелерін талқылауға және әйелдер мен қыздарға қатысты зорлық-зомбылыққа қарсы күреске арналған инновациялық шешімдерді әзірлеуге арналды.
Қатысушылардың жұмысын жоғары білікті қазылар алқасы бағалады, оның құрамына ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, Астана қаласы полиция департаментінің, Қазақстандағы БҰҰ Даму бағдарламасының және Қазақстандағы БҰҰ Тұрақты үйлестірушісі Кеңсесінің өкілдері кірді.
Чемпионатқа Астананың жетекші бес университетінен студенттер командалары қатысты:
- • Astana IT University;
- • Астана Халықаралық Университеті;
- • Астана Медицина Университеті;
- • Л. Н. Гумилев атындағы Еуразия Ұлттық университеті;
- • Maqsut Narikbayev University.
Гендерлік зорлық-зомбылық мәселесі туралы жастардың хабардарлығын арттыру үшін MNU командасы креативті және технологиялық бағытталған шешімдерді ұсына отырып, шеберлігінің арқасында чемпионатта екінші орынға ие болды.
Чемпионаттың шарықтау шегі Maqsut Narikbayev University мен БҰҰ-ның Қазақстандағы Тұрақты Үйлестірушісі Стивен О ‘ Малли арасындағы Өзара ынтымақтастық туралы Меморандумға қол қоюы болды. Бұл құжат тараптардың гендерлік теңдікті ілгерілетуге және зорлық-зомбылықпен күресуге бағытталған білім беру және зерттеу жобаларында бірлесіп жұмыс істеу ниеттерін бекітті.
Университет чемпионатқа қатысушы барлық студенттер мен университеттерге белсенді қатысып, жоғары дайындық деңгейі мен өзекті әлеуметтік мәселелерді талқылауға қосқан құнды үлесі үшін алғыс білдіреді.
Тең әрі қауіпсіз қоғамды бірге құрайық!
