Нашар көретіндерге арналған нұсқа 
Maqsut Narikbayev University Associate Professor-ы Мүслім Хасенов Гарвард университетінде ашық дәрісі өткізді. Ол тыңдаушыларға Қазақстандағы конституциялық құқықтың эволюциясы туралы баяндады.
Мүслім Хасенов хандық кезеңнің заңнамалық кодекстерінен бастап қазіргі заманғы өзгерістерге дейінгі мемлекеттің конституциялық даму тарихымен таныстырды. Дәрісте бес тарихи кезең белгіленді және қазақстандық конституционализмнің 12 негізгі құжаттық тірегі ұсынылды. Профессор 2022 жылғы конституциялық реформаның, соның ішінде Конституциялық Соттың қайта жаңғыруының маңыздылығын ерекше атап өтті.
Ашық дәріс Гарвард профессорлары мен студенттері, сондай-ақ Бостон қаласының жоғары оқу орындары өкілдері арасында қызығушылық тудырды. Қазіргі таңда Мүслім Хасенов Гарвард университетінің Дэвис атындағы орыс және еуразиялық зерттеулер орталығының шақыртылған ғалымы болып табылады. Ол Орталық Азиядағы құқықтық реформалар мен құқық үстемдігіне арналған зерттеу жүргізуде.
Айта кетейік, бұған дейін АҚШ-та Мүслім Хасенов Қазақстан Президентімен кездесіп, оған жас ғалымдарды қолдағаны үшін алғысын білдірді.
