MNU студенттері тағы бір мәрте Қаржылық қауіпсіздік бойынша халықаралық олимпиадасының жүлдегерлері атанды

Maqsut Narikbayev University студенттері VI Қаржылық қауіпсіздік бойынша халықаралық олимпиадасына қатысты. Олар ірі сайыстың жүлдегерлері атанды.

Олимпиада Красноярск қаласында (Ресей) өтті және 45-тен астам елден 700-ге жуық қатысушыны біріктірді. Студенттер экономикалық құқық бұзушылықтар, ақшаны жылыстату, терроризмді қаржыландыру және ақпараттық қауіпсіздікке байланысты бағыттар бойынша сайысқа түсті. Қазақстан құрамасын биыл MNU-да өткен Қаржылық қауіпсіздік бойынша ұлттық олимпиаданың он жеңімпазы құрды.

Жарыс қорытындысы бойынша Қазақстан екі жеңіске және бес жүлделі нәтижеге қол жеткізді. «Құқықтану» бағытында MNU Құқық жоғары мектебінің студенті Тоғжан Ілиясова, ал «Экономика» бағытында MNU Халықаралық экономика мектебінің студенті Никита Пильцов жүлделі орындарды иеленді. Отандық құрама ҚР Қаржылық мониторингі агенттігінің қолдауымен өнер көрсетті.

Айта кетейік, өткен жылы MNU студенттері V Қаржылық қауіпсіздік бойынша халықаралық олимпиадасының вице-чемпионы атанды.