MNU жаңа оқу жылына қадам басты

Maqsut Narikbayev University-де жаңа оқу жылы басталды. Білім күні күзгі семестрдің алғашқы сабақтары өткізілді.

Биыл MNU бакалавриат, магистратура, докторантура, MBA және DBA бағдарламаларына 2 500-ден астам адам қабылдады. Олардың арасында Әзербайжан, Германия, Индонезия, Иран, Қырғызстан, Қытай, Моңғолия, Нигерия, Өзбекстан, Пәкістан, Ресей, Тәжікстан және Украинадан келген 91 студент бар. Оқуға түсушілердің шамамен 43 пайызы мемлекеттік және ішкі білім беру грантының иегерлері.

Университет 28 білім беру бағдарламасын іске асырады. Студенттердің ең көп санын Халықаралық экономика мектебі (918 адам) қабылдады. Бұдан басқа, 68 студент Artificial Intelligence and Frontier Systems: AI + X атты жасанды интеллект саласындағы жаңа білім беру бағдарламасын таңдады.

Жаңа оқу жылына дайындық қарқынды түрде өтті. Жоғары оқу орнының профессорлық-оқытушылық құрамы іргелі құрамдас бөлігін күшейтуге баса назар аудара отырып, курстардың құрылымын қайта қарады. Сондай-ақ университетке 77 жаңа оқытушы қосылды.

Айта кетейік, MNU миссиясы – Біз қоғамға сапалы және қолжетімді білім беру арқылы қызмет етеміз.