Германияның жаңа Елшісі MNU-да дәріс оқыды

Maqsut Narikbayev University-де Германия Федеративтік Республикасының Төтенше және Өкілетті Елшісі Хайке Ренате Пайч болды. Ол болашақ дипломаттарға дәріс оқыды.

Елші Қазақстан мен Германия арасындағы екіжақты қарым-қатынастың дамуы туралы айтып берді. Ол дипломат мамандығының трансформациясы мен халықаралық қатынастар саласындағы әйелдердің рөлін нығайту мәселелеріне ерекше назар аударды. Сонымен қатар қатысушылар заманауи үрдістерді, соның ішінде түрлі салаларға жасанды интеллект енгізу тәжірибесін талқылады.

«Мен MNU-ға алғаш рет келдім. Ғажайып ғимаратқа, сондай-ақ жас студенттердің уәжді және мүдделі сұрақтарына тәнті болдым. «Халықаралық қатынастар» мамандығының студенттерімен әңгімелесу әрдайым үлкен қуаныш, өйткені мен үшін олар жай ғана студенттер емес, олар әлеуетті болашақ әріптестер», – деді Хайке Ренате Пайч.

Германия Елшісінің дипломатиялық өтілі шамамен 40 жылды құрайды. Хайке Ренате Пайч әр жылдары Армения, Бурунди, Грузия, Израиль, Люксембург және Ресейде жұмыс істеген. Бір ай бұрын ол Қазақстандағы ГФР елшілігін басқарды.

Айта кетейік, бүгін Германияда Қазақстан Президентінің ресми сапары өтуде.