MNU-да Швейцарияның жаңа Елшісінің дәрісі өтті

Maqsut Narikbayev University-де Швейцарияның Қазақстан мен Тәжікстандағы Елшісі Кристина Хонеггер болды. Дипломат халықаралық ұйымдардың дамуындағы Женеваның рөлі туралы дәріс оқыды.

Кристина Хонеггер Швейцарияның тарихи жолы және Женеваның халықаралық өзара іс-қимылдың негізгі орталықтарының бірі ретінде қалыптасуы туралы айтып берді. Елдегі гуманитарлық дәстүрлер, бейтараптық қағидаты және көпжақты дипломатияның дамуына ерекше назар аударылды. Талқылаудың жеке тақырыбы Біріккен Ұлттар Ұйымының Орнықты даму мақсаттары және оларды жүзеге асыруға университеттердің қосқан үлесі болды.

Дәріс барысында Елші университет кітапханасына The UN Country Level: A Practical Guide to the United Nations Operational System кітабын табыстады. Басылым БҰҰ-ның елдік деңгейдегі жұмысына және оның операциялық жүйесінің жұмыс істеуінің практикалық аспектілеріне арналған. Кітап ірі халықаралық ұйымның қызметіне қызығушылық танытқан студенттер мен зерттеушілер үшін қосымша ресурс болады.

Айта кетейік, Кристина Хонеггер Швейцарияның Қазақстан мен Тәжікстандағы дипломатиялық миссиясына осы жылдың қыркүйек айының басында басшылық етті.