Нашар көретіндерге арналған нұсқа 
Maqsut Narikbayev University (MNU) ауқымды күзгі «Таза Қазақстан» экологиялық айлығына қосылды. Жоғары оқу орнының 300 студенті мен қызметкері Астана қаласын көгалдандыруға өз үлесін қосты.
Экологиялық айлық аясында MNU студенттері мен қызметкерлері «Нұра» ауданында ағаш отырғызу акциясын өткізді. Іс-шараға «Астана жастары» еріктілер қозғалысының өкілдері де қолдау көрсетті. Бұдан басқа, университет аумағында сенбілік өткізілді.
Күзгі экологиялық айлық биылғы жылдың 12 қыркүйегінде басталды және Астана қаласының барлық аудандарында жалғасуда. MNU-да табиғатқа ұқыпты қарау мәдениетін қалыптастыру мен қоршаған ортаның тазалығына деген жауапкершіліктің маңыздылығын атап өтті.
Айта кетейік, өткен жылы «Таза Қазақстан» республикалық экологиялық акциясы аясында университеттің Фемида саябағында 200-ге жуық ағаш, 10 мыңнан астам жапырақты және қылқан жапырақты бұталар мен 2 500-ге жуық өсімдік отырғызылған болатын.
