БҰҰ-ның адам құқықтары жөніндегі Жоғарғы комиссары Фолькер Түрк Maqsut Narikbayev University қабырғасында  дәріс оқыды 

БҰҰ-ның адам құқықтары жөніндегі Жоғарғы комиссары Фолькер Түрк Maqsut Narikbayev University қабырғасында  “Адам құқықтарының жалпыға бірдей декларациясы бойынша міндеттемелерді жандандырудағы жастардың рөлі” атты дәріс оқыды. Бұл іс-шара адам құқықтарының жалпыға бірдей декларациясының 75 жылдығын және Вена декларациясының 30 жылдығына орай өткізілді. Адам құқықтарының әмбебаптығы туралы түсінікті арттыруға бағытталған декларация студенттерге өз құқықтарын талап етуге мүмкіндік берді. Кездесу барысында адам құқықтары мәселелері және жастардың жүйедегі рөлі туралы сұрақтар қойылды. Университет Төрағасы Талғат Нәрікбаев Түрк мырзаны қарсы алып, жастарды адам құқықтары саласындағы прогрестің катализаторы ретінде атап өтіп, ризашылығын білдірді.