Нашар көретіндерге арналған нұсқа 
“Менің атым Қыдырхан Айдана, мен MNU университетінде “Менеджмент” мамандығы бойынша 4-курс студентімін және “Maqsut Narikbayev Scholarship” ішкі грантында оқимын.
2023 жылдың қараша айынан бастап мен әлемдегі жетекші тау — кен компанияларының бірі-ERG бас кеңсесінде тағылымдамадан өттім. Осы 11 айда мен баға жетпес тәжірибе жинап қана қоймай, әріптестерім мен супервайзерлерімнің қолдауы мен сенімін сезіндім. Сонымен қатар, мен әкімдіктермен жұмыс істеуден бастап жобаларды енгізуге дейінгі әртүрлі үрдістермен таныстым, өзімнің аналитикалық және ұйымдастырушылық дағдыларымды жетілдірдім.
Менің университетімнің қолдауымен және ENDOWMENT MNU мен ERG компаниясының ынтымақтастығымен менде ай сайынғы шәкіртақы алудың бірегей мүмкіндігі бар, бұл менің дамуыма назар аударуға және одан да өршіл мақсаттар қоюға мүмкіндік береді.
Маған сенім білдірген және менің жолымды қолдайтын адамдарға шын жүректен ризамын. Маған алға жылжуға көмектесетін білім үшін MNU Университетіне, сондай-ақ ERG сияқты керемет компанияда тағылымдамадан өтуге мүмкіндік бергені үшін ХЭМ мансап орталығына алғыс айтамын. Бұл мүмкіндік мені одан да көп жұмыс істеуге, одан да ынтамен үйренуге және болашаққа үлес қосуға шабыттандырады!”
Біз Айдананы құттықтай отырып, толағай табыс тілейміз. Сонымен қатар, ERG Komek-ке таланттарды қолдағаны үшін үлкен алғысымызды білдіреміз. Ағымдағы жылы серіктес Халықаралық экономика мектебінің 4 студентіне шамамен 9 млн. теңге сомасында қаржылық көмек көрсетті.