Нашар көретіндерге арналған нұсқа 
2024 жылдың 21-22 қазаны аралығында Астанада (Қазақстан) электронды апостиль бағдарламасы (e-APP) бойынша 13-ші Халықаралық форум өтті. Бұл тарихи оқиға, себебі іс-шара 2019 жылдан бергі өткізілген алғаш офлайн кездесу. Maqsut Narikbayev University және Қазақстан Республикасының Әділет министрлігі бірлесіп ұйымдастырған іс-шараға әртүрлі қызмет саласынан 300-ден астам адам қатысты. Олардың қатарында 70 қатысушы-елдердің өкілдері және Апостиль туралы Конвенцияға қатысушы емес 3 елдің өкілдері болды.
Халықаралық жеке құқық жөніндегі Гаага конференциясының (HCCH) Бас хатшысы, доктор Кристоф Бернаскони форумды ашып, құжаттарды заңдастыру үдерістерін жаңғыртудағы e-APP-тің маңыздылығын атап өтті.
Форумда e-APP-тің артықшылықтары, соның ішінде электронды апостильдер мен электронды тізілімдердің іске қосылуы, құжаттарды тексеруді жеделдететіні айтылды. Доктор Бернаскони Апостиль Конвенциясының практикалық және экономикалық маңыздылығын ерекше атап өтті. Зерттеулерге сәйкес, барлық қатысушы елдер жыл сайын жарты миллиард еуроға жуық қаржы үнемдейтінін мәлімдеді.
Форум барысында әртүрлі мамандар e-APP-ті енгізу және оның болашағы туралы өз көзқарастарымен бөлісті. Жиналғандар заң процестерінің тиімділігі мен қолжетімділігін арттыратын цифрлық инновациялар туралы пікірталасқа қатысты. Сонымен қатар, кездесу барысында Чили, Оңтүстік Корея, Бразилия, Грекия және басқа елдерден келген сарапшылар баяндамашы ретінде сөз сөйледі.
Форумның соңында қол жеткізген жетістіктермен тоқтап қалмай, Апостиль Конвенциясының тиімділігін арттыру үшін технологияларды дамытуды жалғастыру қажеттігі атап өтілді. Халықаралық құжаттарды заңдастырудың болашағы елдердің e-APP-ті енгізуге ұмтылған сайын, ынтымақтастық пен білім алмасуға байланысты болмақ.
Электрондық апостиль – бұл цифрлық сертификаты және қолтаңбасы бар электрондық түрде берілген апостиль.