Нашар көретіндерге арналған нұсқа 
Maqsut Narikbayev University аумағындағы Фемида гүлзары жаңа тартымды орынға айналды. Ауқымды абаттандыру жұмыстары «Таза Қазақстан» жалпыұлттық акциясы аясында өтті.
Көгалдандыру және жаңа қоғамдық кеңістік құру жұмыстары ағымдағы жылдың көктем-жаз мезгілінде жүргізілді. Жаңа саябақта шамамен 200 ағаш, 10 мыңнан астам жапырақты және қылқан жапырақты бұталар мен 2 500-ге жуық өсімдік отырғызылды. Жобаны Астана қаласының әкімдігі мен KAZ Minerals Тобы қолдады.
«Университетіміз Мемлекет басшысы Қасым-Жомарт Тоқаев бастамашы болған «Таза Қазақстан» жалпыұлттық акциясын қолдайды. Фемида гүлзары жаңару символы мен жаңа тартымды орынға айналды. Бізге студенттер үшін қолайлы жағдай жасау маңызды, енді олар жасыл ортада оқып, демала алады. Біз сондай-ақ басқа ұйымдарды осы акцияны қолдауға және жайлы қалалық ортаны қалыптастыруға өз үлестерін қосуға шақырамыз», – деді MNU басқарма төрағасы Талғат Нәрікбаев.
Жаңа гүлзар іс-шаралар мен демалуға арналған алаңдар, коворкинг аймақтары және шағын сәулет нысандарымен безендірілді. Абаттандырудың жалпы ауданы шамамен 11,4 мың шаршы метрді құрады.
