Нашар көретіндерге арналған нұсқа 
Maqsut Narikbayev University-ге Швейцарияның Қазақстан мен Тәжікстандағы Төтенше және Өкілетті Елшісі Салман Бал келді. Дипломат студенттерге дәріс оқыды.
Салман Бал өзінің дипломатиялық мансабы, әлемдегі ең дамыған елдердің бірінің мәдениеті мен дәстүрлері және Қазақстан мен Швейцария Конфедерациясының екіжақты ынтымақтастығын нығайту туралы айтып берді. Елші студенттердің сұрақтарына жауап беріп, жастарға жаһандық проблемаларды шешуге белсене атсалысуға кеңес берді. Дәріс «Мәдениаралық коммуникация» арнайы курсы аясында өтті.
«Бұл менің MNU-ға алғаш келуім. Мені инфрақұрылым, университеттің ұйымдастырылуы таң қалдырды. Студенттер білім беру деңгейінің өте жоғары екенін көрсетті, өйткені қойылған сұрақтар нақты және тақырыпқа қатысты болды. Жалпы MNU-дағы алғашқы сапарым тамаша әсер қалдырды. Мен әрқашан алғашқы әсер қалдыруға екінші мүмкіндік берілмейді деп санаймын», – деді Салман Бал.
Айта кетейік, Швейцария Қазақстанның Еуропадағы негізгі саяси, сауда және экономикалық серіктестерінің бірі және ірі шетелдік инвесторлардың қатарына кіреді.
