Нашар көретіндерге арналған нұсқа 
Maqsut Narikbayev University «Ұлттық диктант» республикалық жобасына қосылды. Ауқымды бастама елімізде осы жылдың 5 қыркүйегінде басталған.
Жоба аясында 100-ге жуық MNU студенттері мен қызметкерлері бір мезетте мемлекеттік тілде диктант жазды. Диктант мәтіні қазақ жазуының негізін қалаушы, көрнекті ағартушы Ахмет Байтұрсынұлының шығармасынан таңдалды. Іс-шара ҚР Ғылым және жоғары білім министрлігі мен «Қазақ тілі» халықаралық қоғамының бастамасымен өткізілді.
«Біздің университет «Ұлттық диктант» жобасын қолдауға және қазақ тілінің мәртебесін арттыруға үлес қосуға қуанышты. Бұл өте маңызды жоба, оның мақсаты мәтінді дұрыс және сауатты жазу дағдыларын дамыту болып табылады. Бүгін диктантты қазақ тілін ана тілі ретінде меңгергендер жазды, жақын арада екінші тіл ретінде меңгергендер өз дағдыларын тексереді», – деді MNU Жоғары гуманитарлық мектебінің деканы Жәмиля Бопурова.
Айта кетейік, «Ұлттық диктант» жобасы MNU-да осы жылдың 14 қарашасында жалғасады.
