Конституциялық Cот судьясы MNU-да дәріс оқыды

Maqsut Narikbayev University-де ҚР Конституциялық Сот судьясы Роман Подопригораның дәрісі өтті. Ол журналистердің құқықтары мен міндеттері туралы айтып берді.

Роман Подопригора Конституциялық Соттың рөлі мен функцияларына, оның қалыптасу тарихына, сондай-ақ азаматтардың құқықтары мен бостандықтарын қорғаудағы конституциялық нормалардың маңыздылығына тоқталды. Дәріс барысында конституциялық іс жүргізу тәжірибесіне және азаматтардың өтінімдеріне ерекше назар аударылды. Дәріс тыңдаушылары MNU Халықаралық журналистика мектебінің студенттері болды.

Студенттер арасында БАҚ қызметі, ақпаратқа қолжетімділік, құқық пен бостандықды шектеуге байланысты оқиғалар ерекше қызығушылық тудырды. Роман Подопригора журналистерге өз қызметінде конституциялық негіздерді түсіну және қоғамдық маңызы бар тақырыптарды жариялау кезіндегі жауапкершілікті есте сақтау маңызды екенін атап өтті. Сондай-ақ Судья студенттердің сұрақтарына жауап берді.

«Мұндай дәрістер тек заңгерлер үшін ғана маңызды емес. Бүгін мен болашақ журналистермен сөйлестім, себебі Конституциялық Сот сөз бостандығы мен ақпарат тарату құқығы мәселелерін қозғайды. Ата заң азаматтарға өз мүмкіндіктері мен құқықтарын іске асыруға мүмкіндік беріп, барлығы конституциялық және құқықтық алаң аясында болуына тілектеспін», – деді Роман Подопригора.

Айта кетейік, Конституциялық Сот судьясының дәрісі «Медиа заңнама» курсы аясында өтті.