Нашар көретіндерге арналған нұсқа 
Maqsut Narikbayev University басшылығы «KazAID» Қазақстандық халықаралық даму агенттігінің басқарма төрағасы Аркен Арыстановпен кездесті. Тараптар серіктестіктің перспективалы бағыттарын талқылады.
Талқылау барысында негізгі назар International Legathon MaxUP 2026 екінші халықаралық заң саласындағы кейс-чемпионаты аясындағы өзара іс-қимылдың ықтимал форматтарына аударылды. Baker McKenzie халықаралық заң фирмасы және АХҚО Сотымен бірлескен сайыс осы жылдың көктемінде «Болашақ құқығы» тақырыбында өтеді. Байқау 14 елдің студенттерін біріктіреді деп күтілуде.
Айта кетейік, KazAID ҚР Сыртқы істер министрлігінің ведомстволық бағынысты ұйымы. Агенттік дамуға ресми көмек саласындағы мемлекеттік саясатты іске асырады, реципиент елдерде даму мен тұрақты өсуге жәрдемдеседі, Қазақстанның әртүрлі салалардағы жетістіктерін ілгерілетеді, сондай-ақ тәжірибе алмасуға және әртүрлі елдердің мамандары арасында байланыс орнатуға ықпал етеді.
