Нашар көретіндерге арналған нұсқа 
Maqsut Narikbayev University оқытушылары мен қызметкерлері жасанды интеллект саласындағы өз дағдыларын жақсартты. Олар «AI Upgrade» курсына қатысты.
Жоба университет командасының кәсіби және цифрлық құзыреттілігін арттыру жұмысында маңызды қадам болды. Оқыту биылғы жылдың 13 мамырынан 4 маусымына дейін өткізілді. Курс ЖИ-дің заманауи құралдарын игеруге және жұмыс тиімділігін арттыру үшін оларды кәсіби қызметте қолдану мүмкіндігін зерделеуге мүмкіндік берді.
Оқытудың қорытындысы бойынша оқытушылар мен қызметкерлер жұмыс процестерін автоматтандыру үшін жеке ЖИ ассистенттерін әзірледі. Курсты университеттің Цифрландыру департаментінің тәжірибелі мамандары жүргізді. Оқуға барлығы 350-ден астам адам қатысты.
Айта кетейік, бұған дейін «AI Upgrade» курсы аясында MNU түлектері оқудан өткен болатын.
