Нашар көретіндерге арналған нұсқа 
Maqsut Narikbayev University командасы республикалық зияткерлік «Заңғар заңгер» байқауында бірінші орын алды. Байқау 2023–2029 жылдарға арналған Қазақстан Республикасының тіл саясатын дамыту тұжырымдамасы аясында Қазақстан Республикасы Ғылым және жоғары білім министрлігінің Тіл саясаты комитетінің қолдауымен ұйымдастырылды. Оған Қазақстанның барлық дерлік өңірлерін қамтыған ЖОО командалары қатысты.
MNU атынан «Құқықтану» бағдарламасының 3-курс студенттері Айдарбек Ерқанат, Ертай Гүлназ, Ержанқызы Ажар, Құмар Елназ және Бақыт Балғынбек қатысты. Команданы Кудиярова Улбала Ерзатовна, Татебаева Гүлдаурен Саттыгулкызы және Якупова Лаура Қайсарқызы дайындады.
Көрсетілген нәтиже – бірінші орын. Байқаудың мақсаты – болашақ заңгерлердің қазақ тіліндегі кәсіби құзыреттерін дамыту, құқықтық сауаттылығын арттыру және құқық саласында қазақ тілін қолдануды кеңейту. Бұл білім беру мақсаты 4-ші ТДМ – «Сапалы біліммен» байланысты.
