MNU студенттерінің зерттеуі халықаралық ғылыми журналда жарияланды

«Ауыл бизнесі мен инфрақұрылымын дамыту саласындағы басқару теориясы және зерттеулер» халықаралық ғылыми журналы Maqsut Narikbayev University студенттерінің мақаласын жариялады. Авторлар айналмалы экономика мен Қазақстанның бес жұлдызды қонақ үйлеріндегі энергия тиімділігін зерттеді.

Зерттеу бес жұлдызды қонақ үйлерде экологиялық тәжірибені енгізуге арналды. Студенттер Нұрай Қасенғазы, Айша Сәбит және Ділназ Шарапиденова MNU Adjunct Assistant Professor-ы Тимур Қоғабаев және Эстония жаратылыстану ғылымдары университетінің профессоры Рандо Варникпен бірлесіп корпоративтік құжаттарды талдап, қонақ үйлердің басшыларымен әңгімелесті. Авторлар энергия тиімділігін жеке қонақ үйдің ішінде енгізу оңай деген қорытындыға келді, ал айналмалы экономика одан тыс ынтымақтастықты талап етеді.

Айта кетейік, «Ауыл бизнесі мен инфрақұрылымын дамыту саласындағы басқару теориясы және зерттеулер» журналы менеджмент, экономика, кәсіпкерлік және ауылдық аумақтарды дамытуға маманданған. Оны 1999 жылдан бері Ұлы Витаутас университетінің (Литва) Ауыл шаруашылығы академиясы басып шығарады. Журнал Web of Science халықаралық дерекқорында индекстеледі.

Мақала осы сілтеме бойынша қолжетімді.