“Босқындар мен азаматтығы жоқ адамдарды қорғаудың халықаралық-құқықтық негізі”курсы

2024 жылғы 26 сәуірде Maqsut Narikbayev University-де БҰҰ Босқындар істері жөніндегі агенттігі (UNHCR) мен Адамгершілік құқықтың халықаралық институты (Сан-Ремо) бірлесіп, университетпен серіктестікте әзірлеген «Босқындар мен азаматтығы жоқ тұлғаларды қорғаудың халықаралық-құқықтық негіздері» атты жаңа асинхронды курстың тұсаукесері өтті. Бұл курс босқындар мен азаматтығы жоқ тұлғалардың құқықтарын қорғаудың негізгі халықаралық-құқықтық тетіктерін және олардың іс жүзінде қолданылу ерекшеліктерін зерттеуге бағытталған. Тұсаукесер шарасы сағат 16:00-де Public Library алаңында өтті. Іс-шара қорытындысы бойынша курс Жоғары құқық мектебінің студенттеріне жазғы семестрде қолжетімді болатыны хабарланды.