Нашар көретіндерге арналған нұсқа 
Қазақстандағы Maqsut Narikbayev University халықаралық сапа тексерісін (IQR) сәтті аяқтап, QAA-дан сапа бойынша жаһандық аккредитация алды.
IQR-бұл әлемдегі жоғары оқу орындарын еуропалық жоғары білім беру кеңістігінде (ESG) сапаны қамтамасыз ету стандарттары мен нұсқауларының 1-бөлімінде көрсетілген халықаралық сапаны қамтамасыз ету стандарттарымен салыстыратын қатаң процесс.
Тексеру 2023 жылдың 11-13 желтоқсаны аралығында QAA тағайындаған үш тәуелсіз сарапшымен жүргізілді. Қорытынды шығару барысында сарапшылар тобы университеттің сапасы ESG ішкі 10 стандарттарына сәйкес келетінін растады.
Талдау тобы табысты тәжірибенің сегіз үлгісін анықтап, оларды жетілдіру бойынша сегіз ұсыныс әзірледі. Бұл ұсыныстар міндетті емес, тек қалаулы сипатқа ие және университетке қазірдің өзінде жұмыс істеп тұрған, бірақ әлі де жақсартуға болатын тәсілдерді жетілдіруге мүмкіндік беруге бағытталған. Топ ешқандай міндетті талаптар қоймаған.
Жалпы алғанда, талдау тобы Maqsut Narikbayev University сапаны бағалаудың барлық халықаралық стандарттарына сәйкес келетіні туралы қорытындыға келді.
QAA талдау тобы Мақсұт Нәрікбаев университетіндегі тәжірибе әсіресе тиімді болатын келесі бағыттарды анықтады:
- • Студенттерге өз кестесін таңдауда икемділік, демек, тағылымдаманың кең спектріне қол жеткізу мүмкіндігі.
• Студенттерді жұмысқа дайындауды қолдау үшін бағалаудың өзгергіштігі және нақты сипаты. - • Университеттің білім беруге, оқытуға және бағалауға көмектесетін тиісті салалармен және кәсіби ұйымдармен байланысы.
- • Сертификаттар мен транскрипциялардың сапасы мен сенімділігі, сондай-ақ түлектерге оларды халықаралық деңгейде пайдалануға мүмкіндік беретін бірнеше тілдегі сертификаттар.
- • Қызметкерлердің физикалық және психикалық денсаулығы мен әл-ауқатын сақтау үшін жағдай жасау.
- • Оқушылар қосымша қолдаудың қажеттілігі туралы өз бетінше мәлімдегенде немесе қатысуға денсаулығына байланысты айтарлықтай кедергілерге тап болғанда, жеке және жан-жақты қолдау.
- • Негізделген шешімдер қабылдау үшін қолданылатын сенімді деректерді талдау жүйесі.
- • Университеттің халықаралық институционалды аккредиттеу мен бағдарламаларды аккредиттеуге деген ұмтылысы оның халықаралық аккредиттеу стандарттарына сәйкес жетілуіне әкелді.
- • Университеттің басқарма төрағасы Талғат Нәрікбаев: “Мен QAA сарапшыларына олардың ерекше кәсібилігі мен мазмұнды ұсыныстары үшін терең ризашылығымызды білдіргім келеді. QAA командасы ұсынған ұсыныстары баға жетпес және біз академиялық процестер мен тәжірибелерді одан әрі жетілдіру үшін олардың ұсыныстарын орындауға тырысамыз”.
QAA аккредиттеу және консалтинг бөлімінің басшысы Крис Блэнд:
“QAA Maqsut Narikbayev University-ді Халықаралық сапаны тексерудің аяқталуымен құттықтауға қуанышты. Бізге Қазақстандағы әріптестерімізбен жұмыс істеу өте ұнады және болашақта олармен ынтымақтастықты асыға күтеміз”.
Maqsut Narikbayev University ТМД мен Орталық Азиядағы осындай аккредитацияны алған алғашқы университет. Университет IQR аккредиттеуі оқу циклінің ортасында тексеруден қанағаттанарлық деңгейде өткен жағдайда аккредитациы бес жылға жарамды болады. Maqsut Narikbayev University енді QAA және IQR аккредиттеу белгісін көрсете алады, бұл олардың сапаны қамтамасыз ету үдерістерін үздік халықаралық тәжірибелермен салыстыруға болатынын дәлелдейді.
IQR аккредитациясын алғаннан кейін халықаралық институттар өздерінің сапа стандарттарын халықаралық деңгейде нақты көрсетіп, өз елінен тыс мекемелермен байланысты оай орната алады.
Maqsut Narikbayev University-дің IQR есебімен біздің веб-сайтта таныса аласыз, онда сіз IQR процесі және QAA-ға халықаралық мүшелік туралы көбірек біле аласыз. Егер сіз өзіңіздің мекемеңізге аккредитация немесе халықаралық мүшелік алуға қызығушылық танытсаңыз және осы мәселені толығырақ талқылағыңыз келсе, QAA жаһандық командасымен accreditation@qaa.ac.uk байланысқа шығыңыз.