Нашар көретіндерге арналған нұсқа 
Maqsut Narikbayev University Республика күнін кеңінен атап өтуде. Ұлттық мереке қарсаңында жоғары оқу орнында бірқатар іс-шаралар ұйымдастырылды.
Қазақ тілі апталығы аясында студенттер жазу тарихы бойынша интерактив, әдеби қазақ тілі тақырыбында пікірталас және мемлекеттік тілде зияткерлік ойын мен бизнес идеялардың таныстырылымын өткізді. Сондай-ақ университет профессорлары жаңа Конституциясының негізгі ережелерін түсіндіру бойынша дәріс пен қазақ тіліндегі келіссөздер барысындағы кедергілерді жою тақырыбында тренинг өткізді. Бұған қоса студенттер қазақ мақал-мәтелдері мен ұлттық ойындардан сайыстарға қатысты.
Басты оқиғалардың бірі екінші республикалық «Заңғар заңгер» конкурсын өткізу болды. Іс-шара заң саласында қазақ тілін қолдануды кеңейтуге және студенттердің тілдік құзыреттілігін дамытуға бағытталған. Зияткерлік сайыс еліміздің 11 жоғары оқу орнының студенттік командаларын біріктірді.
Айта кетейік, Республика күні Қазақстанның басты мерекесі және жыл сайын 25 қазанда атап өтіледі.
