Нашар көретіндерге арналған нұсқа 
Студенттердің экологиялық бастамасы: «Қыстап қалатын құстарға арналған ұялар»
21 қарашада университет студенттері Ағылшын тілі департаментінің оқытушысы Камила Уразалиевна Бекжанованың қатысуымен «Қыстап қалатын құстарға арналған ұялар» атты экологиялық бастама ұйымдастырды. Акция аясында құстардың қысқы суық кезеңнен өтуіне көмектесу мақсатында кампус аумағына құс ұяларын орнату қолға алынды.
Студенттер мен оқытушы бастаманы жүзеге асыру үшін қаражатты өздері жинап, ұяларды жасауға арналған экологиялық таза материалдарды таңдады. Акция студенттерге тұрақты даму қағидаттарын іс жүзінде қолдануға және қоршаған ортаға жауапкершілікпен қарау мәдениетін қалыптастыруға үлес қосуға мүмкіндік берді.
Бұл бастама студенттер мен оқытушылардың практикалық экологиялық іс-шараларға қатысуын көрсетіп, қоршаған ортаны қорғаудағы жеке және ұжымдық жауапкершіліктің маңызын атап өтті.
