Cinematography and Editing бағыты бойынша оқытушы

MNU Халықаралық журналистика мектебі операторлық шеберлік, бейнеөндіріс және монтаж салалары бойынша пәндерді оқыту үшін Cinematography and Editing бағыты бойынша практик-оқытушыны жұмысқа шақырады.

Үміткер медиаиндустрияда практикалық жұмыс тәжірибесіне ие болып, оқытушылық қызметті студенттерді тәжірибеге бағытталған оқытумен ұштастыруға дайын болуы тиіс.

Міндеттері:

• Операторлық шеберлік, монтаж, кадр композициясы, анимация және бейнеөндіріс пәндерін оқыту;
• Түсірілім процесін ұйымдастыру және сүйемелдеу;
• Компьютерлік сыныптар мен студияларда практикалық сабақтар өткізу;
• Камералармен, жарықтандыру жабдықтарымен, тұрақтандырғыштармен және басқа да техникалық құралдармен жұмыс істеу;
• Оқу материалдарын, тапсырмаларды және бағалау критерийлерін әзірлеу;
• Canvas жүйесінде курсты жүргізу (материалдарды жүктеу, тапсырмаларды тексеру және студенттерге кері байланыс беру);
• Практикалық контент дайындау (подкасттар, бейнесюжеттер және т.б.);
• Мектептің іс-шаралары мен жобаларына қатысу;
• Ғылыми-практикалық конференциялар мен семинарларға қатысу.

Үміткерге қойылатын талаптар:

1. Білімі

• Журналистика, медиа, кино-, теле- немесе бейнеөндіріс саласы бойынша жоғары кәсіби білім;
• Магистр немесе PhD дәрежесінің болуы артықшылық болып табылады.

2. Жұмыс тәжірибесі

• Медиаиндустрияда, телевидениеде, digital немесе киноөндіріс саласында практикалық жұмыс тәжірибесі;
• Жаңалықтар студияларында, продакшн компанияларында немесе режиссерлік қызметте жұмыс тәжірибесі;
• Оқытушылық тәжірибенің болуы құпталады.

3. Кәсіби дағдылар

• Композиция негіздерін, түсіру және монтаж әдістерін білу;
• Түсірілім процесін ұйымдастыра білу;
• Кәсіби жабдықтармен және техникалық базамен жұмыс істеу дағдылары;
• Келесі бағдарламаларды еркін меңгеруі:
  • Adobe Premiere Pro;
  • DaVinci Resolve;
  • Adobe After Effects;
  • Бейнемонтаж және түсті түзетуге арналған басқа бағдарламалар.

4. Тілдік талаптар

• Орыс және/немесе қазақ тілдерін меңгеруі;
• Ағылшын тілін білу артықшылық болып табылады.

5. Жеке құзыреттер

• Студентке бағдарланған көзқарас;
• Коммуникабельділік және командада жұмыс істей білу;
• Академиялық адалдық қағидаттарын сақтау;
• Сындарлы кері байланыс бере білу.

Жұмыс шарттары:

• Сабақ кестесіне сәйкес икемді жұмыс кестесі;
• Толық немесе толық емес жұмыс күнімен еңбек ету мүмкіндігі;
• Университеттің тарифтік кестесіне сәйкес еңбекақы.

Өтініш беру үшін келесі құжаттарды ұсыну қажет:

• Түйіндеме (CV);
• Портфолио немесе жұмыс үлгілері (болған жағдайда);
• Дипломдар мен сертификаттардың көшірмелері.