Нашар көретіндерге арналған нұсқа 
Қытайда Maqsut Narikbayev University студенттері экологиялық құқықтың ерекшеліктерін меңгерді. Олар Ланьчжоу университетінің жазғы мектебіне қатысты.
Жазғы мектептің жұмысы 5 – 23 тамыз аралығында өтті. Қатысушылар MNU Құқық жоғары мектебінің студенттері Дана Құмарғазы, Шынар Байтон, Шыңғыс Тұржігіт және Қанат Кайрош болды. Сонымен қатар Өзбекстанның жоғары оқу орындарының студенттері де қатысты.
Бағдарлама Ланьчжоу университетінің профессорлары мен экологиялық құқықтың түрлі бағыттары бойынша шақырылған шетелдік оқытушылардың дәрістерін қамтыды. Қатысушылар өзекті экологиялық сын-қатерлерді, халықаралық ынтымақтастық мәселелерін, сондай-ақ түрлі елдерде экологиялық заңнаманы дамыту және қолдану ерекшеліктерін талқылады. Бұдан басқа, студенттер Ганьсу провинциясы бойынша экскурсияларға қатысып, Қытай халқының дәстүрлерімен және мәдениетімен танысты.
Айта кетейік, іс-шара екі университет арасындағы ынтымақтастық аясында ұйымдастырылды. Бұған дейін Қазақстанның құқықтық жүйесін меңгеру бойынша жазғы мектеп MNU-да ұйымдастырылған болатын. Мектеп жұмысына Ланьчжоу университетінің 20-ға жуық студенті қатысты.
