MNU жоғары оқу орнынан кейінгі жеті бағдарлама бойынша грант иегерлері арасында көшбасшы атанды

Maqsut Narikbayev University магистратурасы мен докторантурасында білім алу бойынша мемлекеттік грант иегерлерінің есімдері белгілі болды. Университет жоғары оқу орнынан кейінгі жеті білім беру бағдарламасы бойынша грант иегерлері арасында көшбасшы атанды.

2026-2027 оқу жылына арналған мемлекеттік грант конкурсының нәтижелерін күні кеше ҚР Ғылым және жоғары білім министрлігі жариялады. Биыл 23 мыңға жуық өтінім берілді. MNU-да тегін оқу құқығын 280 адам алды.

MNU грант иегерлерінің басым бөлігі ғылыми-педагогикалық бағыттағы магистратурада (89,8 %). Бұл бағытта университет Қазақстанда «Қолданбалы лингвистика» (52,8 %), «Аударма ісі» (51,6 %), «Құқық» (45,7 %), «Халықаралық қатынастар» (40 %), «Қаржы» (38,3 %), «Психология» (35,4 %) және «Экономика» (33,7 %) бағдарламаларындағы грант саны бойынша көшбасшы атанды. Магистратураның бейіндік бағытында жоғары оқу орны «Аударма ісі» (100 %) және «Құқық» (26,4 %) бағдарламаларында грант иегерлерінің саны бойынша бірінші орынды иеленді.

Сонымен қатар 5 адам MNU докторантурасында оқуға грант иеленді. Мемлекеттік грант байқауының нәтижелері университетте жоғары оқу орнынан кейінгі білім берудің жоғары сапасын тағы да растады. Бұған дейін MNU бакалавриаттың бірқатар білім беру бағдарламаларында грант иегерлерінің саны бойынша көшбасшы атанған.

Айта кетейік, магистратура және докторантура бағдарламаларына құжаттарды қабылдау осы жылдың 28 тамызында аяқталады.