Нашар көретіндерге арналған нұсқа 
Maqsut Narikbayev University (MNU) Индонезияның жетекші университеттерімен ынтымақтастықты кеңейтуде. Жоғары оқу орны мен Айрлангг университеті (UNAIR) арасында меморандумға қол қойылды.
Уағдаластыққа Индонезияның Қазақстандағы Төтенше және Өкілетті елшісі Мохамад Фаджрул Рахман бастаған Айрлангг университеті басшылығының MNU-ға сапары барысында қол жеткізілді. Тараптар академиялық және ғылыми салаларда бірлескен бастамаларды дамытуға келісті. Меморандумға MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен және UNAIR Ректоры Мухаммад Мадьян қол қойды.
Сапар барысында сондай-ақ заңгерлік білім, ғылыми-зерттеу қызметі және академиялық алмасу салаларындағы бірлескен бастамалар талқыланды. UNAIR Индонезияның өнер, гуманитарлық ғылымдар, инженерия, технология, медициналық-биологиялық ғылымдар, менеджмент және әлеуметтік ғылымдар салаларындағы жетекші жоғары оқу орындарының бірі. Бұдан басқа, университет QS әлемдік рейтингінің ТОП-300 жоғары оқу орындары қатарына кіреді.
Айта кетейік, бұған дейін MNU Бали мемлекеттік политехникалық институты, Алма-Ата университеті және Сунан Ампель Сурабая мемлекеттік ислам университетімен келісімдер жасасқан болатын.
