Нашар көретіндерге арналған нұсқа 
Maqsut Narikbayev University қазақ-француз академиялық диалогын нығайту алаңына айналды. Жоғары оқу орнында басшылықтың Франция сенаторларымен кездесуі өтті.
Тараптар білім және ғылым саласындағы ынтымақтастықты дамытудың өзекті мәселелерін талқылады. Франция Сенатының делегациясы университеттің халықаралық жобаларымен және бастамаларымен танысты, сондай-ақ қазақ-француз стратегиялық серіктестігін одан әрі дамыту перспективалары туралы айтты.
Бұдан басқа, университеттің академиялық өзара іс-қимылды кеңейтуге ашықтығы атап өтілді. Кездесу барысында MNU өкілдері Франция Президенті Эмманюэль Макронның Қазақстанға үш жыл бұрын жасаған ресми сапары серіктестік байланыстарды дамытуға серпін бергеніне тоқталды. Бүгінде университетте оқып жатқан француз студенттері осының дәлелі болды.
Айта кетейік, Эмманюэль Макрон өзінің сапары барысында MNU-да дәріс оқыды.
Француз Республикасы Парламенті Сенатының Сыртқы істер, қорғаныс және қарулы күштер жөніндегі комиссиясының делегациясы екі ел арасындағы стратегиялық әріптестікті нығайту жөніндегі танысу миссиясы аясында Қазақстанға сапармен келген болатын.
