Нашар көретіндерге арналған нұсқа 
Maqsut Narikbayev University басшылығы Испанияның Қазақстандағы, Қырғызстандағы және Тәжікстандағы Елшісі Луис Франсиско Мартинес Монтеспен және Ыстамбұл қаласындағы Сервантес институтының директоры Фернандо Мартинес-Бара де Реймен кездесті. Тараптар бірлескен білім беру жобаларын іске асыруды талқылады.
Келіссөздер барысында Корольдіктің жетекші жоғары оқу орындарымен ынтымақтастықтың перспективалық бағыттары, сондай-ақ испан тілін үйрену мүмкіндіктерін кеңейту мен мәдени өзара іс-қимылды тереңдету мәселелері қозғалды. Бүгінде MNU-да студенттерге бірнеше шет тілін үйрену қолжетімді білім беру бағдарламалары табысты жүзеге асырылуда. Сонымен қатар қонақтар университеттегі испан тілінің сабағына қатысты.
Ыстамбұл қаласындағы Сервантес институтының директоры Орталық Азия елдеріндегі ұйым қызметінің географиясын кеңейту жоспарлары туралы да айтып берді. Айта кетейік, институт әлемнің 90-нан астам елінде ұсынылған және испан тілін шет тілі ретінде оқыту мен испан және латын америкасы мәдениетін тарату саласындағы жетекші ұйым.
